Mig langar svo að tjá mig við umheiminn og róla mér yfir hnettinum, horfandi niður í gras landanna og skoða pöddurnar byggja sér hús. Risa Lora. En ég er víst lítil og á enga rólu ..kem varla rassinum í róló-rólurnar lengur, skrúfurnar stingast inní mjaðmirnar. Andskotans kvenlíkami.

Annars er það helst í fréttum að ég fór í fyrsta prófið í dag. Það var erfitt. Eftir að hafa bitchað yfir því og hlegið með bekkjarfélögum á Vitabar fór ég með Soffíu í Bachelorette íbúð á Grettisgötu til að læra með henni og njóta íbúðar-pössunar hennar. Settist ég með bók í sófanum  hjá Sófusi en það var svo kósý að sólin róaði mig niður í kúrandi lúr. Bókin situr svo óhreyfð á kaffiborðinu en afrek dagsins er að gera kaffipásuna okkar að verslunarleiðangri og niðurstaðan var ný bleik billabong peysa á marga peninga ..ég er bara ekki vön öðru en Kolaportinu lengur.

Ef ég ætti bíl myndi ég syngja meira. Ég myndi líka blogga meira. Svo myndi ég njóta náttúrunnar meira. Líf mitt væri hreinlega meira. Nema þá myndi ég menga meira. Þessvegna vil ég bara rafmagnsbíl. Mig hefur langað í þannig síðan ég sá fyrst krakka keyra um á pínulitlum bleikum barbíbíl. Mig langar ennþá í pínulítinn bleikan barbíbíl. Samt alveg aðeins stærri en þann sem ég sá forðum daga.. en já, þetta var líka blæjubíll. Af þessu má draga þann lærdóm að sum æskusár gróa aldrei alveg.

Uppfært: Já því bensínlítrinn kostar 157 krónur ..þessvegna á ég ekki bíl. :O

Þetta byrjaði eiginlega allt þegar þvottavélin hennar Halldóru hætti að skola þvottinn ..líklega rétt fyrir jólin seinustu.

Eða bíddu, kannski get ég rakið þetta lengra, til seinasta sumars þegar þvottavélin á Ljósvallagötu bilaði..

við leituðum að nýrri..

en þá byrjaði ég að kaupa mér ný föt í stað þess að þvo..

..og hef eiginlega bara haldið því áfram.

Nú sjá allir fyrir sér fjöll af óhreinum sokkum og nærbuxum.. en auðvitað þvæ ég áður en til þess kemur.. Málið er bara að ég elska föt. Ég elska sérstaklega að versla föt.

Þannig að þetta er óður minn til fatakaupa og firrts lúxuslífs. Í tilefni þess vil ég sérstaklega bjóða vínrauðu sokkabuxurnar sem ég var að kaupa velkomnar í líf mitt. Líka svörtu hnésokkana. Velkomin. Þið glödduð mig í dag.

En djöfull fokkin langar mig í þvottavél..

Jæja best að skrifa hvað er að frétta úr mínu litla lúsarlífi ..í augnablikinu sit ég klukkan 20 mín í 12 á laugardagskvöldi í Öskju og er búin að læra í mestallan dag ..ýkt dugleg.. búin að gera umtalsverðar betrumbætur á fjölskyldustefnu-ritgerðinni sem ég þarf ekki að skila fyrr en á mánudaginn. Ógó þægilegt að vera rólegur á tíma. Er það í raun líka á próflestrinum, komst að því við yfirferð í gær að ég á bara ansi góðar glósur eftir sjálfa mig úr aðferðarfræðinni (kemur mér á óvart) og svo er bara gaman að lesa undir hina áfangana. Fyrir utan Ofbeldis og vanræksluáfangann. Dead boring.

Svo veit ég ekki hvort það sé neinn eftir sem ég er ekki búin að hella Nicaragua pælingum yfir eins og sturta útí móa, eða eitthvað, en ég er semsagt búin að staðfesta og fá staðfest að þann 1.ágúst til 1.desember kem ég til með að passa 4 ára strák í 4 klst 4 daga í viku.
Meðan ég er ekki að leika dýr, lesa bók, spila fótbolta eða skoða skordýr (já ok eða ekki að horfa á sjónvarpið) ..ætla ég að vera í fullu námi héðan, búin að tala við kennarana flesta og þeir taka allir vel í þetta, já og svo langar mig að tékka á annaðhvort háskólakúrsi í grasafræði eða fara í sjálfboðavinnu í einhverju spennandi. Já. Spennandi. Núna ætla ég með Sigurlaugu að fá mér ís og svo til Kidda á KB að fá mér bjór. Gott. Over and Out.

Ég er búin að reyna að blogga svona tíu sinnum þessa viku, ef ekki oftar. Oftast þá verð ég batteríslaus, tímalaus eða stend á gati og veit ekki hvað ég á að segja. Ok vá ég á greinilega ekki að blogga, það var verið að slökkva fokkn ljósin í byggingunni. Beil.

Hverjum er ekki sama um samanburðarrannsóknir? Mér er það.. oh kennarinn er með kristal plús. Djöfull langar mig í kristal plús núna.. Jæja tetris. Gengur ekki að láta sér leiðast. Ég hafði actually fyrir því að downloada simulator á dos (því það fylgir ekki windows vista) ..lærði á simulatorinn og allt til að þurfa ekki að spila nýtísku version af tetris heldur EGAINT yeaaahh…

Núna er kennarinn að endurtaka sig frá því í seinasta tíma og að endurtaka það sem maðurinn hennar sagði í fyrsta tíma. Við höfum haft svona 5 kennara, yfir sömu önn í þessum eina kúrsi. Fáránlegt.

Prófin byrja eftir 19 daga og það er Mentor djamm í kvöld og kokteilakvöld með stelpunum annað kvöld. Ég er vart búin að læra klukkutíma alla vikuna, hvað er eiginlega í gangi?? Of stressuð til að lyfta litla fingri?

Btw. tók einhver eftir því að slökkt var á Reykjavík milli 11 og 12 í gærkvöldi? Ég rotaðist og er búin að tala við allavega 2 aðra sem segja sömu sögu. Fleiri?

Djöfuls væl. Ekki að það sé neitt að væli. En ég er allavega ekki að pæla í boxum og týpum í dag. Ég er að pæla í ritgerðum og útlöndum. Back to normal self. Löngun mín í að falla í ákveðið box um daginn var löngun til að láta draumana rætast sem stereótýpa ákveðinnar týpu gerir. Mig langar bara að vera eins, þannig ég veit þá hverjir draumarnir mínir eru! Ég þurfti bara að fatta að þetta væri draumur hjá mér og að gera það þá bara að markmiði.

Einu sinni var mér sagt að ef maður hatar einhvern í afbrýðissemi langar mann að vera nákvæmlega eins og manneskjan. Kannski á þetta ekki alltaf við, en soldið oft hjá mér. Gleymi bara að ég get alveg gert það sem ég vil eða allavega sóst eftir því sem ég vil. Afbrýðissemi er bara waste of energy. Líka að setja aðra upp á stall.

Í dag sóttist ég eftir einhverju sem ætti auðveldlega að uppfylla allavega fjóra drauma. Meira um það þegar það er komið á hreint hvort af verði.. ekki commenta um það þið sem vitið. Vil ekki opinbera eitthvað sem er ekki víst. En ..ýkt spennó! Maður lifir bara einu sinni..

Í dag langar mig að vera týpa. Finnast ég falla í einhvern flokk og heyra til einhvers stærra. Ytra gervi gefur fólki hugmyndir um persónuleika og lífstíl. Hugmyndirnar eru bara ekki alltaf réttar.
Þegar ég var með dredda, bauð fólk mér hass út á götu og lögreglan á flugvellinum leitaði alltaf í farangrinum mínum. Fólk gerði sér hugmyndir um mig, að meira bjó að baki en bara hárið. Ég frétti að nokkrar busastelpur litu þvílíkt upp til mín í MH og einn strákur bað mig trekk í trekk um númerið mitt þegar ég var eitt kvöldið að vinna á bar. Ég ímyndaði mér að miðað við útlit og klæðnað væri hann ákveðin týpa sem vildi ákveðna týpu, sem hann hélt ég væri út frá mínum fötum og hári. Þannig að þó að ytra gervi hans heillaði mig gaf ég honum ekki númerið, pottþétt á því að hann væri að leita að öðru en stelpu sem reykti ekki og fannst dreddar bara falleg hárgreiðsla. Hafnaði mér fyrir hann, þó hann heillaði mig.

Það er eitthvað svo viðurkennt að fólki finnist hallærislegt að falla inní ákveðið box. En ég held að fólki líði ágætlega í boxum. Öryggi í hóp er eitthvað svo gott.. djöfull langar mig í það núna.

Jæja nú er sól á heiðskírum himni, kalt og fagurt eins og það á að vera. Hvern myndi ekki langa að koma hingað? Ég bara skil ekkert í Áströlum og Nýsjálendingum. Þetta er bara rugl! Við búum á mjög interesting áfangastað ..en vilja þeir koma hingað sem skiptinemar?

Neeeeiiii.. og hvað þýðir það fyrir Loru litlu? Jú, hún fær ekki að fara þangað í nám, því of fáir þaðan vilja koma hingað ..stjórnvöld eru bara búin að loka á okkur! Hversu ósanngjarnt er það? MJög!
Með sama húmor, sama lífsstandard, svipað velferðarkerfi, svipað útlit og djamm og meira að segja jafn mikið af rollum og fjöllum og ég held bara þeir geri sér ekki grein fyrir af hverju þeir eru að missa. Helvítis ósanngirni alltaf. Ég segi að senda sendifulltrúa núna og ekki sekúndunni seinna til að skýra þennan misskilning fyrir þeim. Hvað á ég annars að gera?!

Sveiattan, ég er bara ekki viss hvort ég legg í annan heilan vetur á klakanum án þess að upplifa exótíska útlandastrauma með ódýrum mat og fötum og framandi tal og og ..úff. Annaðhvort það eða karlmann, svona eins og Doktor McDreamy nema bara minna giftur ..þetta bara gengur ekki lengur..

Ég er með eindæmum neikvæð þessa dagana. Ég hef allt á hornum mér.. Samt get ég ekki beint sagt að ég sé í vondu skapi heldur tengi ég neikvæðnina við líkamleg veikindi og stress. Mér finnst leiðinlegt að velta mér uppúr því hvað sé margt að þessu samfélagi en sé fátt annað.

Sem er kjánaleg og skökk hugsun. Auðvitað er slatti af frábærum eiginleikum við vestrænt samfélag.  Mér finnst bara sem að sama hvert ég lít, hvort sem það er í blöðum eða samtölum vilji fólk bara ræða ójafnrétti kynjanna, peningakvíða og ósanngjarnt lagakerfi. Mér finnst það ekkert smá þreytandi. Ég verð pirruð af því að hlusta á endalaust röfl um þetta en mæti engum skilningi því í opnu samfélagi verður nú að ræða allan fjandann. En þarf endilega að ræða þetta á þessum nótum? Hvað allir eru mikil fórnarlömb og hvað það sé ekkert hægt að gera?

Allir hafa skoðanir en enginn virðist sammála mér um að taka upp meiri kosningar. Enginn þolir þessa græðgi en engan langar að vinna minna eða ræða aðra stjórnarhætti. Ég heyri ekkert nema kvart og kvein og engar lausnir.

Er ég að því sama í þessari bloggfærslu? Æj ég veit það ekki.. það er ekki hægt að einfalda veruleikann en sitjandi í strætó í dag og í Kringlunni, skrifandi ritgerð um einelti er ég óþægilega vör við það hversu vanmáttug ég er gagnvart þessu bákni sem ég er hluti af. Menntun skiptir bara ekki rassgats máli ef fólki líður illa og þótt fólkið sem um ræðir sé börn þá verða þau fullorðin og verða þá fyrrum börn sem var misþyrmt hvort sem er kynferðislega eða andlega og  skilaboðin sem þau fá er að það sé bara allt í lagi og hluti af lífinu.

Mér finnst það ekkert allt í lagi.. og lesandi um skotárásir í skólum þar sem uppdópaðir krakkar fríka út því þeim leiðist að vera neyddir til að sitja 10 ár ævi sinnar réttlaus, raddlaus, kosningarréttarlaus, mannlaus, neydd til að gera eitthvað sem þau vilja ekki gera ..æji ég skil þá bara ótrúlega vel að leita losunar á uppbyrgðri reiði, gremju, agression, hvort sem það er með því að níðast á leiðinlegu krökkunum sem þeir eru neyddir til að umgangast daglega (sem fá enga leiðbeiningu í félagsfærni því hún á bara að vera meðfædd eða lærð frá foreldrum) eða með því að dópa og djamma og nota annað fólk. Þó þau séu 10 ára. Já.. ég skil þessa krakka bara andskoti vel. Hinsvegar skil ég ekki afhverju það mætir svoddan mótstöðu að breyta kerfinu. Bara af því maður ólst upp við eitthvað og þekkir ekkert annað þýðir ekkert að það sé best. Íslenskt stjórnkerfi, íslenskir fjölmiðlar með sína bjögun á raunveruleikanum og íslenskt menntakerfi ætti að sturta niður í klósettið. Því ótti elur af sér ótta og pirringur af sér pirring.

Að þeim orðum sögðum ætla ég því að segja að ég er aðeins minna pirruð, það er gott að losa, en ég sé að það er margt yndislegt og dásamlegt við að geta keypt ferskan ananas á þessari eyju útí atlantshafi sem er svo óendanlega fögur á vorin hjarta mitt er fullt. Ég er þakklát að hafa þak yfir höfuð sem er kósý og kostar ekki milljón, ógisla flott föt til að klæðast beint frá London baby, ég mætti alveg ótrúlega yndislegu viðmóti í banka og hjá lækni í dag.. svo yndislegu ég var bara hlessa. Eins og skessa. OG já.. það er verið að reka af bókhlöðunni. Love Love Love.