Á þessu augnabliki, hvernig geturu sýnt þér ást og ábyrgð?

Gætiru borðað? Knúsað þig? Lagt þig? Farið í peysu?

Hætt að lesa bloggið mitt og gert það sem þú ert að fresta og gerir þig stressaðan ?

Tengstu sjálfum þér, hér og nú, á þessu augnabliki, líkama, hugsunum og tilfinningum. Andaðu djúpt og fattaðu hvað er að naga þig, þó það sé ekki nema örlítið.
Ef það er ekkert sem þú gætir gert fyrir þig núna og ert að veita þér nauðsynlega pásu, hvernig geturu glatt einhvern annan? Hringt? Emailað? Brosað til? Talað við einmana frænku þína? Sent einhverjum sms? Hugsaðu hvað þér þykir vænt um þá sem eru þér góðir. Ekki bara hugsa það, finndu það.

Ef þetta bætir ekki daginn og lífið almennt geturu prófað að klára nokkrum sinnum þessa setningu: “Ég er svo fegin/n að…”

Já og lestu www.goodnewsnetwork.org

Farðu svo á google images og leitaðu að “smile”.

Hvað svo sem þú gerir, ekki kalla mig væmna. Það myndi bara gera mig leiða.

Ef ég blogga ekki mikið næstu daga er það því prófin nálgast og ég er að læra. En komdu endilega og lestu þessa færslu eins oft og þú vilt

Mér finnst þetta svo kjánalegt. Fjárhæðirnar sem eytt er í eiturlyfja-forvarnir eru gríðarlega háar.  Allur fókus manna virðist vera á forvarnir, stundum hræðslu-áróður, stundum fræðslu, en aldrei á undirrótina.

Fíknir eru notaðar til að takast á við vanlíðan og brotna sjálfsmynd.  Fíkniefni og áfengi veita tímabundna lausn á þessu. Sálfræðiviðtöl og Dale Carnegie eru afar dýrkeypt aðstoð. Engin loforð um lausn heldur.

Hvernig væri að eyða hluta af þessum forvarnarpening sem enginn veit hvort skili árangri í að niðurgreiða geðheilbrigðisgeirann?

Ég er stöðugt að stúdera, ræða og lesa um hugsun, hegðun og líðan fólks í íslensku samfélagi. Það var ástæða þess að ég valdi síðasta vor að fara í félagsráðgjöf.

Þetta er meira en áhugamál, þetta skilgreinir mig.

Að sama skapi er ég gríðarlega áhugasöm um þetta sama í erlendum samfélögum. Ef þú sameinar mannlega hegðun við exótísk samfélög færðu út mannfræði.

Sem fræðigrein, er mannfræðin þó ópraktískari en félagsráðgjöf.

Hefði ég valið mannfræðina hefði mig dagdreymt daginn út og inn um fjarlæg samfélög í exótísku umhverfi. Sem er alveg heillandi ..en mjög ópraktískt þegar á vinnumarkaðinn kemur. Sé mig fyrir mér sitjandi í skrifstofustólnum í vinnunni með hönd undir kinn dagdreymandi á svip hugsandi um lönd með alvöru tré, lönd með hlýjan blæ, lönd með framandi markaði ..líf og köll á götum, undarleg farartæki, undarlegt útlit..

Þannig að dilemmað mitt er að þó ég fíli praktískt félagsráðgjafarnámið, er núna aðal hobbyið mitt orðið að fræðibókum í staflavís með tilheyrandi kröfum og stressi! Núna vantar mig eitthvað annað til að brjóta upp daginn .. og þá sækir hugur minn í hitt áhugamálið, exótísk samfélög.

Það er náttúrulega fáránlega dýrt grín að vera með ferðabakteríu á svona háu stigi, en mikil vinna fer illa saman við að vera í námi.

Þannig að hvað þá?

Safna fyrir skiptinámi áramótin ‘08-’09

Hef þráð það síðan ég kom heim úr því síðasta.. —>

Nú þegar álag í skólanum er að aukast og prófin að nálgast er gott fyrir mann að fara að huga að flóttaleiðum úr próflestrinum og heiladeyfandi skemmtun yfir jólafríið.

Um daginn ákvað ég að horfa á nokkra Gilmore girls þætti á www.alluc.co.uk og í kjölfarið benti Andri bróðir mér á www.southparkzone.com þar sem maður getur horft á alla Southpark þættina.

En mikinn rooosalegan tíma tekur að bíða eftir að einn þáttur hlaðist niður á mínu hæga hæga neti. Ég set kannski í gang svona verðlauna-kerfi í prófalestrinum, þar sem ég les þar til einn þáttur hleðst niður (tekur klukkutíma) -horfi á hann og endurtek svo leikinn.

En eftir prófin í jólafríinu langar mig að horfa á heilar seríur af sjónvarpsefni beint af harða disknum.

Ég á nú þegar á tölvunni allar friends seríurnar, allar Battlestar Galactica, 2 eða 3 O.C. seríur, eina eða tvær Weeds (æðislegir þættir) ..3 Lost, 5 Family Guy, 2 Office, 3.seríuna af So you think you can dance ..en mig vantar meira, ég nenni ekki að horfa á þetta allt aftur. Ég er downloadlega fötluð vegna þess að ég fæ bara net fyrir náð og miskunn nágrannanna - ekkert símtengi hér á bæ.

Þannig að, fyrir forvitnissakir, ekki fyrir sakir ólöglegrar dreifingar, áttu eitthvað?

Uppfært: En hvað þetta kemur á viðeigandi tíma í Íslandssögunni, þegar sett er lögbann á torrent.is

..langar mig svo að blogga um hluti sem ég get ekki deilt með bloggheimum.

Stundum er maður með hluti á heilanum sem mann langar svo að blaðra,

en bara hreinlega má það ekki. Kannist þið ekki við þetta?

Jæja ég var að koma heim af næturlífinu og klukkan er orðin 4:30. Áfram gengur ævintýri edrúmennskunnar og naut ég þess frekar að háma í mig óáfenga neysluvöru fremur en hella í mig vín og sykurmyglusafa.

Í vísindaferðinni á Hrafnistu át ég rækjur og súkkulaðihjúpuð jarðaber. Á Victor eftir vísindaferðina fékk ég mér vatn og ótrúlega jömmí óáfengan kokteil (aðeins 300 krónur) ..dró svo Soffíu megapæju í ís-leiðangur þar sem ég smakkaði í fyrsta skiptið vesturbæjarísinn fræga (þennan gamla) sem var afbrags ágætur.

Þá tók við örlítil meltu-pása þar sem dansinn dunaði á Vegamótum (ég sem ætlaði aldrei framar á þennan *hóst*plebba*hóst*stað) ..en það reyndist þó hoppandi gaman. Dansfílingurinn frá því síðustu helgi lifir enn.

Er leið á kvöldið og stefnan nálgaðist rúmið heima, var nokkrum ástar og skinkusjúkum drengjum fyrst skutlað í Hafnarfjörðinn þar sem verslaðar voru súkkulaðihnetur og skinka fyrir morgundaginn. Ekki náði öll skinkan þó heim með mér, þar sem einn drengjanna leitaði á hana eins og fluga á mykjuskán því fátt finnst honum betra en ..tjah.. skinka. Hvílíkt líf sem kviknaði innra með honum er hann sá hana.

Já, þannig var nú kvöldið mitt, nú er umheimur fróðari um hvernig van-drykkjan gengur, en ég held að niðurstaðan sé sú að það er mjög indælt enn sem komið er að vera með fulle femme og það þarf ekki að vera minna fitandi að hætta að drekka en að hætta að reykja.

Ég meika ekki að hafa áfram sömu gömlu færsluna á blogginu mínu.. en þar sem ég er í tíma þá get ég ekki bloggað og glósað. Þannig ég ætla að birta glósurnar. Enjoy.

Hugræn atferlismeðferð: Hugsun - Tilfinningar - Hegðun
Hugsun vekur tilfinningar sem hefur áhrif á hegðun. Það er hægt að breyta hegðun til að hafa áhrif á hugsun og líka tilfinningar.
Breyta hugsun og hegðun, ekki tilfinningum.
Það er bannað að hugsa um það sem vekur upp vanlíðan.

Fólk hefur val, getur borið ábyrgð eða ekki, en það verður að vera gulrót, eitthvað sem maður vill.
Val - Ábyrgð - Gulrót

Gerir gulrótarlista
Velja hegðun sem er hjálpleg.
Rannsóknir sýna að þeir sem eru góðir að tala sig til,
fara ekki mikið í öfgar óöryggis eða ágengis,
þeir eru í miðjunni, öruggir.

óskilvirkt = disfunctional

Gera eitthvað uppbyggjandi, hegðun,
hjónameðferð með óskilvirka hegðun:
fóru á bókasafnið, lásu upp fyrir hvort öðru.
Skilja eftir sæta miða fyrir hvort annað.

Við missum okkur ekki inn í tilfinningar einstaklings.
Vera á þeirra forsendum, mæta fólki þar sem það er.
Hjálpa að búa til væntingar ef fólk hefur þær ekki.

Lyndisraskanir: (röskun á lund) ..þunglyndi o.fl
Kvíðaraskanir: fælni, kvíði..

Könnun
Mat og greining
Aðgerðir
Lok

Helgin mín var ágæt, ég fór í karókí með skólafélögunum á föstudagskvöldið og mundi hvað það er ótrúlega gaman að syngja, sérstaklega við Madonnu-lög. Svo sagði mér einhver að endorfínframleiðsla aukist um 400% þegar maður syngur. Geðlyf hvað?

Á laugardagskvöldið fór ég í kaffiboð kl 16 og partý seint um kvöldið ..í bæði skiptin var Jón Þór að bjóða fólki til sín. En þetta var sitt hvor maðurinn og hvorugur Jón Þór bauð mér. Merkilegt hugsaði ég ..og ákvað að blogga um þetta.

Svo fór ég á Prikið og dansaði. Ég hafði horft á MAGNÞRUNGIN úrslit 3.seríu So You Think You Can Dance áður en ég kíkti út, svo hvernig gat ég neitað því að stíga nokkur spor svona umbeðin? Ég byrjaði hægt og stirt. Fann taktinn í laginu og hreyfði líkamann eins og trjádrumbur sem smám saman færðist líf í útlimina, greinarnar byrjuðu að fylgja takti líka. Þá mundi ég hvað það er gaman að dansa. Ég samlagaðist tónlistinni með hjartanu..takturinn tók yfir og syngjandi dansaði ég við  ..shrivel little eeny weeny,  no no no no , Don’t want no short dick man! . Hehehehehehe…

Annars mæli ég með að f0r-hlusta á plötuna hans Palla hér. Vonandi endist for-hlustunin ekki bara núna út sunnudagskvöldið. En annars kaupiði hana bara því hún er falleg. Hann syngur einlægt frá hjartanu. Ég vona hann selji slatta af henni. Ég skal fá eina í jólagjöf, jájá!